Heilbrigðisráðherra hefur sett reglugerð um skipulag vísindarannsókna á heilbrigðissviði eins og gert er ráð fyrir í lögum nr. 44/2014 um vísindarannsóknir á heilbrigðissviði. Reglugerðin var unnin í náinni samvinnu við Vísindanefnd. 

Reglugerðin, nr. 520/2018, nær til vísindarannsókna á heilbrigðissviði sem framkvæmdar eru hér á landi að hluta eða að öllu leyti og gildir jafnt um vísindarannsókn á mönnum eða gagnarannsókn. Markmiðið er að tryggja að skipulag og framkvæmd þessara rannsókna sé með þeim hætti að siðferðileg og vísindaleg sjónarmið séu virt og persónuverndar gætt. 

Almenna reglan er sú að umsókn til Vísindasiðanefndar skal skilað á íslensku. Nefndin gerir undanþágu frá þessu aðeins ef ábyrgðarmaður, meðrannsakendur eða þýðið hefur erlenda tungu að móðurmáli.